Ramin Cahangirzadə. MƏN ÖZÜMÜ QAÇIRAM

Sən qürbətdə ayrılıqdan,
Mən vətəndə ilgilərdən sarsılıram.
Sən saçından,
süd yolunda yolunursan.
Mən gözümdən,
Süd yolunda bölünürəm.

death

Sən yolların sonsuzluğun axtarırsan,
Mən yolların sonsuzluğuna tökülürəm.
Sən işıqlar yurdunda,
Qaranlığa bürünürsən.
Mən qaranlıq yurdunda,
Qaranlığa bələnərkən, sürünürəm.
Sən özünü qaçırdıbsan,
Mən özümü qaçıram.
Sən qürbətdə ölməkdən sinsiyirsən.
Mən vətəndə ölməkdən sevinirəm.
Sən qürbətdə yaşayarkən,
Ölürsən vətənini.
Mən vətəndə ölərkən,
Yaşayıram vətənimi.

Qaynaq: http://cizmaqara.blogfa.com/

Baxış sayı: 234
Açar sözlər:

Şəbnəm yazıb:

Belə şerləri o qədər yaxşı başa düşürəm ki... Mən də bir qürbət quşu.. Başqa bir diyarın havasını uduram boğula-boğula.. Oysa ki, dərindən nəfəs almaqvar vətəndə, əzizlərim var vətəndə, yaşamaq var vətəndə..Vətənim var vətəndə, amma, mən yoxam.. Vətənim var qəlbimdə.. sad
Çox sağ olun, Məsiağa bəy!

İyul 3, 2008 16:35

Məsiağa Məhəmmədi yazıb:

Təşəkkür edirəm, Şəbnəm xanım.
İnsan qürbətə çox vaxt öz iradəsinə rəğmən düşür. Əsas odur ki, sizin kimi qürbətdə də Vətəni qəlbində daşıyasan. O qədər Vətəndə oturub Vətən sevgisindən məhrum olanlar var ki!

İyul 3, 2008 17:02