Mən nə çarə qılım qara bəxtimə,
Zəhərli içkiyə məzə neynəsin?
Sürmə gözəlliyi bir az artırar,
Amma day kor olan gözə neynəsin?

Fələk oxun atır, əlində yay yox,
Fələyin atdığı oxlara say yox,
Bu gözdən o gözə heç bir haray yox,
İndi özgə gəlib bizə neynəsin?

Həsrət çəkdiyimiz gör neçə ildir,
Kaş bir il olaydı, deyəydim bildir,
Gözümün yaşları çox demə lildir,
Su gözədən lildir, kuzə neynəsin?

Nadirəm, bir sinə qızıl tək közlə,
Yolları gözlədim nigaran gözlə,
Siz deyin, bu yazıq bir quru sözlə,
Əyriyə neynəsin, düzə neynəsin?

Qaynaq (ərəb əlifbası ilə): http://n-elahi.persianblog.ir/